Diyos o Ang Lubid?

Diyos o Ang Lubid?

Sa sulok ay nabababad || lungkot sa akin ang hatid,

isipa'y nilamong sagad! || Walang sinong nakabatid,

walang susing mabanaag || nakagapos lang sa silid,

subukan ko mang maglayag || kasiyaha'y 'di masisid.

Nakasasakal ang takot || mapatatangis sa gilid,

depresyon ang nakabalot || sa paglaya'y may balakid;

nakasasakal ang lungkot || nais ko na'ng maging manhid,

sa paglaya'y anong sagot? || ang Diyos nga ba o ang lubid?

--Nerelyn Fabro

Nerelyn Fabro, 17 taong gulang. Nilalaro ko ang mga salita kapag pinaglalaruan ako ng mundo. Halimaw man ang delubyo, wala itong laban 'pagkat pluma ko'y hindi nagpapatalo!