(NA)SAAN ANG (PA)NGA(KO)

Sa mahabang panahong ako'y naghintay,

Inasam ang taong magbibigay liwanag sa madilim kong buhay,

Siyang papawi ng aking hinanakit pati na lumbay,

Natagpuan ko ang kapanatagan sa kaniyang mga kamay.

Dalangin ko'y walang hanggang pagmamahal,

Hiráng akong 'sinalba sa pagpapagal,

Hinamak lahat ng tutol at sagabal,

Ngunit pag-ibig niya'y huwad—hindi rin tumagal.

Binitiwang salita'y nanatili,

Kasal niyang pinangako'y hindi minadali,

Subalit biglang iba na kaniyang napili,

Ang dapat sa aki'y sa iba na natali.