Paraiso

Yakapin mo ako katulad kung paanong yumayakap ang dilim sa gabi,

Hagkan kung paanong dumadampi ang hangin sa'yong pisngi,

Iparamdam mo ang pag-asang may kalakip na inspirasyon.

Tulad ng pag-alaala natin sa kahapon,

Pagsisimula sa bawat yugto ng taon,

Gising na— sabay nating harapin ang araw ngayon,

Huwag kang manatili sa pagkakahiga.

Pakiusap mahal— bumangon kana sabay tayong magsimula,

Ang paghimlay mo'y pagtigil ng aking mundo,

Kung wala ng pag-asang magmulat ka,

Maaari bang mahal; isama mo ako sayong bagong PARAISO.

-- a poem by Ronjo Cayetano

Ronjo Cayetano, 25 years old, from the province of Oriental Mindoro. He started writing poems when he was paralyzed and considers this hobby as a medication for his soul; to overcome depression.