Serbisyo at Publiko

An open letter poem dedicated for my town.

Para sa iyo aming alkalde,

Bigyan namang pansin 'tong mensahe,

Hindi 'to bilang pagsabotahe,

Para sa kabutiha't imahe,

Inihalal ka ng taong bayan,

Maging kakampi sa bawat laban,

Agapay sa pangangailangan,

Magtataguyod sa kahirapan.

Serbisyo publiko'y 'di trabaho,

Ito'y tungkulin sa kap'wa tao,

Hangarin sa baya'y pag-asenso,

Walang angat—pantay ang pagtrato.

Kalusuga't buhay 'yong unahin,

Pangkabuhayan nawa'y gayundin,

Sa anomalya'y 'wag paalipin,

Tiwala ng lahat—'wag sirain.

Sa lukluka'y 'wag magpakasasa,

Isipin kapakanan ng madla,

Maging tulad ka ng mga tala,

Sa kabutiha'y tinitingala.

...

Young Pilipinas Poetry