Luha ng Kasiyahan

Halika sa akin ako ay pakinggan,

sa bawat salitang may aral 'bubulgar,

limii't namnamin hiwaga ng buhay,

nang gayo'y sa dunong 'di uhaw.

Kaysarap na damhin sa puso ang galak,

pasanin ay hindi palaging may gayak,

manahan sa tuwa 'di laging sa lusak,

kung bigo't mabigat sige at iiyak.

Piliin ang ilaw na laging makulay,

kung dagtum tatagpo't suminsay,

may lakas bumangon 'di takot lumaban,

pundasyon na tibay, pag-ibig dadatal.

Sarili'y unahin at hindi ang pusok,

at kapag tagumpay nakamit naabot,

ang luha ay tuwang tutulo't aagos,

matatag, haharap sa lakas ng unos.