top of page

Oportunidad

  • Writer: Ronjo Cayetano
    Ronjo Cayetano
  • Nov 23, 2021
  • 1 min read

A prayer for more job opportunity in the Philippines poem
A prayer for more job opportunity in the Philippines poem

Bitbit ang lakas ng loob at mga pangarap,

maleta'y pinapagulong upang makaahon sa hirap.


Para sa mga mahal sa buhay pinipilit tumayo,

mahirap man ang mag-isa kailangang lumayo.


Iiisantabi ang lungkot

lalabanan ang pangungulila.


Hindi papadala sa takot

lakas ay galing kay Dakila.


Sila'ng mga bagong bayani sa lupain ng dayuhan,

titiisin ang pasakit nang umahon sa kahirapan.


Ilang mga mahal pa ang kailangang lumisan,

magsakripisyo at maghirap sa malayo—maging turista sa sariling bayan?


Hiling ko lang sana dumating din ang araw,

oportunidad sa sariling bansa sana ay mag-ilaw.


Trabahong may sapat na sweldo at walang dehado,

Trabahong walang koneksyon lahat ay obligado.


Upang hindi na kailanganin ang lumayo't umalis,

para sa kaginhawaan at katiwasayang nais.


Upang hindi na danasin pang-aalipusta't maltrato,

Nang ang mga mahal natin sa buhay ay malayo sa peligro.



...

Young Pilipinas Poetry

Comments


Sponsors

splenda stevie.jpg
philips sausage.jpg
philadelphia cream cheese.jpg
Young Filipino's best stories written through poetry, flash fictions, and listicles in Young Pilipinas
YoungPilipinas.com
bottom of page