Repleksiyon

How do Filipino writes poem

Sa bawat pagtala ng mga letra ng isang Filipinong mangangatha,

Mararamdaman ang hinaing at damdamin; mga kuro-kuro't panibugho sa talinhaga ng tugma.

Tugmang hindi lamang basta palamuti,

Talinhagang maari ring maging baluti.

Na sa bawat manunulat na nangangarap ng librong maililimbag,

May mga adhikain na nais marating na sa kabila ng pangungutya ay hindi patitibag.

Hindi papipigil ang pusong hindi pasisiil,

Kahit walang naniniwala, walang makapipigil.

Ang mga likhang tula ng isang makata, ay naglalaman ng samu't saring damdamin,

Pangungutya, pangarap na nais abutin—lugar na gustong marating.

Tagumpay ang sinasalamin

Sa kahinaa'y hindi paalipin.

Ang sikat na tula ng bansang Pilipinas

Ay hindi para magpakitang gilas.

O magbulalas ng baho o tumuklas ng bago,

Ito ay para maipamulat sa lahat ang misteryo at repleksiyon ng buhay nasaan ka mang ibayo.

...

Young Pilipinas Poetry